我係做銀行嘅，同男朋友拍左拖大半年喇，好穩定，仲plan緊出年聖誕結婚。見到自己好多同事(男同女)其實都有透過speed dating識另一半(當然我最fd果幾個之外，都有其他人8俾我知)。同埋 我都知道唔只做銀行，其實好多行業，喺而家個香港社會都係好需要呢個服務， 自己揾到幸福，所以都好想分享下自己一啲Speed Dating小故事，希望可以幫到大家。 我由一踏入3字開始 就join speed dating, 我來緊33歲。其實喺遇到我男朋友之前，我都用咗年幾兩年時間join speed dating， 呢段時間長又唔係好長，但係都唔短， 所以我活動同單對單約會 都有用過。
今日，先講活動先啦！ 活動嘅特點，就係可以喺同一個場合見到 好多位同你年齡match嘅男仔， 我本身都選擇先參加活動，因爲我會喺度諗：我參加一次揾唔到，第二次又有多十個新嘅，如此下去應該都會遇到喇！(我嗰時參加嘅頻率係大約一到兩個星期 去一次活動) 但係日子耐左問題就嚟喇！我在活動週不時會撞番自己見過嘅人， 有時甚至有一啲係whatsapp傾過嘅，人哋冇應你嘅、又或者人哋鍾意我，但我又麻麻哋嘅對象。
不過，我好相信“吸引力法則”；咩嘅 公司型像、老闆 就會吸到啲咩客，例如有部份個老細係0靚仔幾個 or 主打咩 狂熱Board game、電光槍呀…作招萊果啲，會比較小professional參加。大家可以因應自我需求選擇番。
同埋，喺活動認識到嘅人，有啲認落之後，先發覺有啲人愛吹水(前言不對後語) 例如喺活動上佢話佢自己係美國留學返嚟，但係之後whatsapp佢，就同我講話喺加拿大留學返嚟，其實如此情況嘅人不算好多，各位心水清啲就ok。最多都係我冇feel或我鐘意人、但人唔揀我囉。真係要睇下真係有冇緣份呀！
同埋，有啲公司嘅活動，無錯係好多呀，但客源分散，湊數情況嚴重(通常缺男仔)令一啲都唔合活動資格的人，都會無啦啦在活動出現！例如：超齡老呀叔/呀姨；明明寫要大學程度，坐低條友話我都冇過大學嘅 (寂寂無名嘅細公司呢類離普嘢，就越多，有次我直情嬲到覺得嘥我錢、同嘥我時間)！
仲有幾次我畀咗錢，當日嘅中午先打嚟話畀我知，當晚活動搞唔到要取消！齋係咖啡嗰間，我都試過兩次。 係令人失望嘅！
今日 講住咁多先！ 下一集就會講下，比較多人有興趣嘅單對單約會啦！
